लेखणी अरुंधतीची

      ॥ श्री गणेशाय नमः ॥                अर्पण पत्रिका -             ज्या ज्या भारतीय पूर्वजांनी आजचं सुंदर मॉरिशस उभारण्यासाठी आयुष्य   खर्ची घातली , ज्या आपल्या परिवा रा ला सुखी करण्यासाठी ते इतक्या दूरवर येऊन राबराब राबले , तो त्यांचा प्रेमळ परिवार ---- ती त्यांची मातृभूमी , तो भारताचा किनारा ज्यां ना परत कधीच दिसला नाही . भारताचं स्वप्न बघता बघताच ज्यांची आयुष्यच संपून गेलं त्या माझ्या भारतीय बांधवांसाठी हे पुस्तक सादर अर्पण – मॉरिशसच्या अंतरंगात –               दोन शतकांपूर्वी भारतीय संस्कृतीचं बीज मॉरिशसच्या खडकाळ मातीत जाऊन पडलं . तेथील खडक फोडून ते तिथे रुजलं . नुसतच रुजलं नाही तर भारताच्या मातीतून आपल्या हृदयदलांमधे भरून नेलेल्या भारतीय संस्कृतीच्या वारशावर ते फोफावलंही . मॉरिशसच्या मातीचे , पाण्याचे गुणही त्याने आत्मसात केले . अंगावर आलेल्या अनेक संस्कृतींच्या वादळांशी तोंड देता देता त्याच्या जुन्या फांद्यांची पडझडही झाली .   परत जोमाने नवी पालवी फुटली . आज सुंदर