लेखणी अरुंधतीची

  दातेगड / सुंदरगड 1 अजिंक्यतारा, 2 सज्जनगड, 3 यवतेश्वर, 4 जरंडेश्वर, 5 नाकडीचा डोंगर, 6 किटलीचा डोंगर, आणि 7 पेड्याचा भैरोबा अशा सात रत्नांसम गडांची माला गळ्यात असलेला सात तारा   म्हणजेच   आत्ताचा सातारा !   ह्याच सातार्‍या जिल्ह्यातील पाटण जवळ असलेला दातेगड किंवा सुंदरगड हा त्याच्यावर असलेल्या तलवारीच्या आकाराच्या एका सुंदर, गूढ विहिरीसाठी प्रसिद्ध आहे. दातेगडाच्या पायथ्याशी भेटलेल्या एखाद्या धनगर किंवा एखाद्या भेटलेल्या स्थानिकाला विचारलं तर तो सांगेल, ‘‘वीस मिनिटात चढून जाल. साठी सत्तरीचे लोकही सहज चढून जात्यात.’’   अशाप्रकारे वर चढायची चिंता आणि भीतीची कात पायथ्याशीच टाकून आम्हीही वरच्या दिशेने कूच केलं. आम्हाला घेऊन जाणारे मित्र हे स्थानिकच असल्याने आणि त्यांच्यातलेही काही सत्तर ऐंशीच्या उंबरयावर असूनही उत्साहाने सळसळताना पाहून आम्हालाही उत्साहाची लागण झाली. शहरी म्हातार्‍यांना न्यायला सहसा वापरल्या जाणार्‍या पश्चिम दरवाजाच्या मार्गापेक्षा वेगळा थेट गडावर नेणारा सोपा मार्ग एका ताईंनी आधीच रेकी करून ठेवला होता. गाड्या बर्‍याच वरपर्यंत जात होत्या. माहितीप...